Një gropë e madhe u hap para Pantheonit në Romë duke zbuluar gurë të lashtë që i përkasin vitit të 27 Para Krishtit. Gropa e thellë prej 2.5 metër u hap papritur para Tempullit Romak në fillim të këtij muaji.
Gurët që u zbuluan, besohet se janë përdorur përreth Pantheonit kur u ndërtua për herë të parë. Ato më pas u mbuluan pas një serie projektesh rindërtimi në shekullin e parë Pas Krishtit.
Por ato ishin në gjendje të mirë pasi kryesisht ishin rrethuar nga ‘pozzolan’, një lloj materiali me sasi të konsiderueshme të dioksidit të silikonit që thith lagështinë e tepërt dhe mund të ndihmojë në parandalimin e krijimit të mykut, shkruan The Sun.
Gurët e shtrimit janë të përbërë nga një material i quajtur ‘travertina’, një material ndërtimi i zakonshëm në Romën antike i cili është përdorur në Coloseum dhe shumë harqe të tjera triumfale, i cili nxirret nga guroret që ndodhen jashtë qytetit./R.G
