Janë konfirmuar edhe dy raste të reja me koronavirus në Angli dhe pavarësisht se Federata Angleze mban të fshehur identitetin e të prekurve dhe ekipet e përfshira, Hull City bëri një “autogol” duke pranuar se është mes tyre. Hull City, ekip që militon në kategorinë e dytë ka konfirmuar se dy individë në klub kanë testuar pozitiv në testin për Covid 19.
Të dy personat nuk kanë shfaqur simptoma dhe gjendja e tyre është e mirë, por që do të izolohen për një periudhë 7 ditore sipas rregullores. Klubet e Championship anglez pritet të dalin në stërvitje të hënën ndërkohë ende nuk janë publikuar rezultatet e të gjitha klubeve. Championshipi është pezulluar nga 13 marsi ndërkohë ka shpresa për rinisjen e ndeshjeve në mes të qershorit.
Hull City zbuloi të prekurit nga faza e testimeve që përfshiu 1014 lojtarë dhe staf në të gjithë kampionatin.
