Në një kohë që shumica e futbollit global është në “pit stop” për shkak të pandemisë, Bundesliga vazhdon të dhruojë spektakël në fushë, edhe pse tifozët duhet ta ndjekin përmes ekranit. Augsburgu ka triumfuar këtë fundjavë në transfertën ndaj Schalkes me rezultatin 3:0, në ndeshjen e javës së 27-të të Bundesligës gjermane. Eduard Loewen (6’), Noah-Joel Sarenren-Bazee (76’) dhe Sergio Cordova (90’) realizuan golat për Augsburgun. Kjo skuadër pas 27 ndeshjeve zë vendin e 12-të me 30 pikë, ndërsa Schalke mban vendin e tetë me 37 pikë.
Për ekipin nga Gelsenkirchen, ky është një tjetër stacion negativ, pas disfatës së thellë ndaj Borussia Dortmund në derbin e Ruhrit, pasi humbja në shtëpi e zhyt edhe më keq në krizë. Schalke largohet kështu nga Europa, e nëse renditja formatohet me Blutë jashtë saj, ekipi që ka humbur miliona Euro nga kriza dhe mungesa e ndeshjeve, do të vuajë një tjetër faturë “të kuqe” nga mungesa e parave të UEFA-s.
