Nxitimi drejt parukerive për të ndryshuar pamjen pas qëndrimit në karantinë mund të rezultojë fatale për disa klientë në Springfield, Misuri, ku dy parukierë nga zinxhiri i madh ‘Clips’ shkuan për të punuar ndërsa kishin simptoma të koronavirusit.
Duke u kujdesur që t’i mbanin sa më mirë të fshehura simptomat e tyre, në këtë mënyrë ata rrezikuan rreth 150 persona që ishin të ekspozuar ndaj rrezikut të infektimit, tani në panik duke pritur të testohen.
Dy parukierët filluan punën në javën e dytë të majit në të njëjtin sallon, tani të mbyllur për dezinfektim të plotë.
“Mirëqenia e klientëve dhe parukierëve tanë është përparësia jonë dhe dezinfektimi i duhur ka qenë gjithmonë një praktikë në sallonet tona”, thotë pronari i zinxhirit të Madh ‘Clips’. Të dy parukierët përdorën maskën, por puna e tyre kërkon kontakte të ngushta me klientët.
Të dy i mbajtën simptomat e tyre të fshehura mirë derisa filluan të ndjeheshin vërtet keq dhe pas testimit rezultuan pozitiv me koronavirus.
Falë masave të vendosura nga salloni, ishte e mundur të gjurmoheshin të gjithë klientët e tyre dhe t’i paralajmëronin ata.
Rasti tregon vështirësitë e rihapjes dhe rreziqet e aktiviteteve që zhvillohen midis punonjësve dhe klientëve për të parandaluar përhapjen e epidemisë./b.b/fjala.al
