Gazeta Fjala në verisonin print ka patur sot si titull kryesor: Yuri Kim, ambsadorja që po tremb politikën shqiptare. Po pse po trëmben politikanët shqiptarë nga diplomatja amerikane? Rudina Hajdari deputete në kuvend tha në emisionin HARD TALK NGA ROLAND QAFOKU se arsyeja kryesore është se liderët kryesorë në Shqipëri kanë frikë nga Reforma në Drejtësi që ambasada amerikane po e mbështet fort.
-A po e tremb Yuri Kim politikën shqiptare?
-Po, po e tremb.
-Pse?
-Po sepse edhe ajo guxon. Guxon të thotë të vërtetat.
-Ju e keni takuar dhe ja keni shprehur këto, zonja Hajdari?
-Absolutisht, kam marrëdhënie të vazhdueshme me ambasadoren dhe ambasadorët e tjerë, sepse dhe në rolin që kam duhet një bisedë e vazhdueshme.
-Çfarë ju ka thënë zonja Kim?
-Ajo mendon që beteja për ndryshimin e sistemit është një betejë e drejtë.
-Pra ambasada amerikane dhe ambasadorja Yuri Kim e mbështet reformën me lista të hapura dhe sistemin danez?
– Patjetër që ambasadat nuk munden në mënyrë të drejtpërdrejtë të ndërhyjnë të sistemi por mund të sugjerojnë dhe rekomandojnë. Ata e kuptojnë të vërtetën, që shumë njerëz kanë humbur besimin te politika shqiptare, tek elita e vjetër, tek ata persona që kanë shumë vite që mbajnë pushtetet./Fjala/k.b
https://youtu.be/BQNg3hXQ608
