Danimarka ka vendosur të hapë kufijtë për çiftet që u ndanë për shkak të koronavirusit. Duke filluar nga e hëna, partnerët që ndodhen në vendet nordike ose në Gjermani mund të shkojnë në Danimarkë për të takuar të dashurit e tyre.
Por që udhëtimi të bëhet i mundur, partnerët duhet të vërtetojnë lidhjen e tyre dashurisë duke treguar foto apo mesazhe.
“Nëse thoni se jeni në lidhje dashurie dhe nënshkruani një letër, ne do ta marrim si të mirëqenë”, ka sqaruar më tej ministri i Drejtësisë, Nick Hækkerup.
Danimarka po konsideron hapje të shpejtë të kufijve me fqinjët nordikë, ndonëse rreziku nga koronavirusi nuk konsiderohet i kaluar.
