Një virologe kineze mjaft e njohur për kërkimet e saj mbi koronaviruset te lakuriqët e natës, deklaroi se viruset e reja që janë zbuluar së fundmi, janë vetëm ‘maja e ajsbergut’.
Ajo gjithashtu bëri thirrje për një bashkëpunim më të madh ndërkombëtar në luftën kundër epidemive, siç po e shohim tani me Covid-19, pavarësisht akuzave se Kina mbajti të fshehtë rrezikun e Covid-19.
Shi Zhengli, nëndrejtorja e Instiutit të Virologjisë në Wuhan, u shpreh se hulumtimi i ndërmarrë për studimin e viruseve ka nevojë që qeveritë dhe shkencëtarët e tjerë të jenë bashkëpunues dhe transparent në gjetjet e tyre.
Ajo shtoi se në asnjë mënyrë nuk duhet të politizohet shkenca.
Duke folur për ‘CCTN’, Shi deklaroi: Nëse duam të parandalojmë rrezikun e një shpërthimi tjetër virusi, duhet të bëjmë paraprakisht studime për këto viruse dhe të japim paralajmërime të hershme.
“Nëse nuk i studiojmë viruset, do të ketë një shpërthim tjetër,” tregoi ajo.
Virologia ka studiuar lakuriqë të natës që prej vitit 2004, kur shpërtheu dhe epidemia e Sars./Fjala.al/Përshtati:Kamela Liko/Burimi:DailyMail
