Ministria për Evropën dhe Punët e Jashtme ka bërë me dije se duke filluar nga 1 qershori Mali i Zi do të hapë kufijtë më Shqipërinë.
Ky lajm është bërë publik nga MEPJ në një postim në “Facebook”, ku thuhet se i njëjti vendim është marrë edhe për disa vende fqinje dhe të Bashkimit Evropian, ndër to Kroacia, Sllovenia, Austria, Gjermania, Polonia, Republika Çeke, Hungaria dhe Greqia.
Postimi i Ministrisë për Evropën dhe Punët e Jashtme:
Njoftim❗️
Ministria për Evropën dhe Punët e Jashtme, informon qytetarët shqiptarë se, Mali i Zi, që prej datës 1 Qershor 2020, ka vendosur të hapë kufijtë e tij me Republikën e Shqipërisë, duke mundësuar kështu lëvizjen e lirë të qytetarëve.
Ky vendim është marrë edhe për disa vende fqinje dhe të Bashkimit Evropian, ndër to Kroacia, Sllovenia, Austria, Gjermania, Polonia, Republika Çeke, Hungaria dhe Greqia.
Gjithashtu ju bëjmë me dije se, të gjithë shtetasve të vendeve të lartëpërmendura, nuk do t’u kërkohet asnjë provë apo analizë speciale por me hyrjen në territorin malazez, ata do të marrin udhëzime të qarta mbi masat e higjienës dhe rregullat të cilat duhet të ndjekin në kuadër të luftës kundër COVID-19.k.t/Fjala.al/
