Agjentët e armatosur AS në kufirin SHBA-meksikë, kanë zbuluar tunelet e fshehta që njihen si “tunelet narko”, atje ku kartelete drogës punojnë ditë-natë për të siguruar miliona dollarë. Tuneli gjendej nën këmbët e tyre për vite me radhë.
Grupet e terroristëve kanë punuar në kushte ekstreme muajt e fundit për shkak të pandemisë, ndonëse sipas mediave vendase, puna e tyre për të krijuar të tilla tunele të fshehta për të punuar në qetësi, ka vijuar ndër dekada, vetëm duke u perfeksionuar gjithnjë e më shumë.
Në muajin mars, agjentët amerikanë zbuluan drogën në vlerën e 30 milionë dollarëve, në tunelin 600 metra në San Diego, të pajisur me sistem ventilimi të sofistikuar, madje edhe me hekurudhën e vet.
Tuneli mes Tijuanës në Meksikë dhe Kalifornisë, ishte ndërtuar me mure të forcuara dhe në të u gjetën pako të tëra me kokainë, heroinë dhe metamfetaminë. Ky është tuneli i dytë që u zbuluan, ndërtuar nga kartelet meksikane të drogës, pas atij të zbuluar në muajin janar. Ai shtrihet për më shumë se 1 km nën kufirin SHBA-Meksikë. Gjatë ndërhyrjes së agjentëve, asnjë person nuk u gjet në tunel, përveç sasisë së drogës por autoritetet dyshojnë se bëhet fjalë për kartelin që drejtohet nga organizata e krimit të organizuar të El Chapo-s, një pioner i këtyre tuneleve që prej viteve ’80./Fjala.al/Burimi:The Sun
