Ka përfunduar pas gati tre orësh, mbledhja me dyer të mbyllura e Këshillit Politik të reformës zgjedhore, e cili nisi që prej orës 17:30. Të pranishëm kanë qenë bashkëkryetarët e kësaj reforme, Damian Gjiknuri dhe Rudina Hajdari, si dhe përfaqësuesit e opozitës jashtëparlamentare, Oerd Bylykbashi dhe Petrit Vasili.
Burime bëjnë me dije se palët kanë diskutuar në mbledhjen e sotme për rolin e policisë dhe prokurorisë në zgjedhje si dhe sinjalizuesit, duke u dakordësuar në tre pika.
- Jashtë çdo qendre votimi të qëndrojë një efektiv policie, i cili do të jetë i pajisur
- SPAK të hetojë krimet zgjedhore, kurse prokuroritë në rrethe duhet të ngrejnë grupe të posaçme për të hetuar shitblerjen e votës.
- Çdo person që denoncon shit-blerjen e votës të amnistohet.
Ndërkohë që mësohet se një pikë që nuk ka marrë dakortësinë e mazhorancës dhe opozitës parlamenare, ka qenë propozimi i PD që Ministri i Brendshëm që do të vijë nga qeveria tranzitore duhet të emërojë drejtorin e përgjithshëm të Policisë së Shtetit.
Ambasadorja e Shteteve të Bashkuara të Amerikës në Tiranë, Yuri Kim, pak ditë më parë iu sugjeroi palëve përmes një emaili të aplikonin sistemin danez për sistemin zgjedhor, por palët janë kundra ndryshimit të sistemit, pasi sipas tyre kërkon ndryshim të Kushtetutës dhe koha nuk është e mjaftueshme./E.B./Fjala.al
