Autoritetet policore italiane kanë zbuluar së fundmi dy grupe grabitësish shqiptarë.
Njëri prej grupeve, përbëhej nga 4 shqiptarë, të cilin vepronin në zonën e Kazertas. Mediat vendase raportojnë se ata kishin pasion verën dhe shampanjën, të cilat i blinin menjëherë pas grabitjeve, për të festuar. Shqiptarët janë hetuar vitet e fundit për disa ngjarje të rënda në zonë dhe gjatë një përplasjeje me armë, në vitin 2018, tre prej tyre ishin arrestuar. Pas hekurave përfunduan asokohe Meritan Tasha, 24 vjeç, Kostandin Cera, 36 vjeç dhe Mensur Daci, 35 vjeç. Ndërsa Aden Bodini, 29 vjeç, mendohet se ndodhet ende në Shqipëri. Ata akuzohen për dhjetëra grabitje shtëpish në zonë, të cilat kishin mbetur pa autor, por gjatë hetimeve u vërtetua autopsia e tyre dhe masat e reja të sigurisë u janë komunikuar në burg.
Grupi tjetër përbëhej nga 6 shqiptarë, të cilët u arrestuan me akuzën e disa grabitjeve në Firence. Më herët, policia kishte arrestuar 10 shqiptarë të tjerë, pjesë e këtij rrjeti që kryente grabitje banesash, ndërsa në të gjitha rastet rezulton se pjesa më e madhe e fitimeve të kësaj bande investohej në trafikun e drogës, kryesisht të kokainës dhe më pas në shpërndarjen e saj./E.B./Fjala.al
