Kampionati spanjoll i futbollit ka programuar nëj fushatë intensive për rinisjen, në një nga vendet më të goditur keq nga pandemia. la liga ka programuar rinisjen e futbollit në 11 qershor me nëj sprint si kurrë më parë, me ndeshje çdo ditë për 39 ditë rresht, dhe me epilogun në mes të korrikut.
Presidenti Ligës, Javier Tebas njoftoi vendimin, por që të marrë formë zyrtare, duhet të marrë OK e ministrisë së Shëndetësisë Spanjolle. praktikisht bëhet e sigurt rinisja në 11 qershor dhe mbyllja e La Liga në 19 Korrik. Kjo përfaqëson një “Tour de force” të gjatë 39 ditë me ndeshje rresht, e gjithçka do ta nisë nga derbi i zjarrtë i Andaluzisë mes Betis dhe Sevilla.
Në 11 qershor do luhen gjithashtu minuta e mbetura të përballjes së ndërprerë mes Rayo Vallecano dhe Albacete. La Liga kështu do jetë çdo ditë në ekran në dy afate kohore: 19:30 dhe 21:30 të cilave do ti shtohet një tjetër fashë në fundjavë në 17:30.
