Ministria e Shëndetësisë bëri të ditur sot se në 24 orët e fundit janë regjistruar 23 raste të reja me koronavirus.
Ndërkohë që numri i të prekurve në vend vazhdon të rritet, sot përveç Tiranës ka pasur përhapje edhe në qytete të tjera të vendit, ndërsa shtohen edhe pacientët në terapi intensive.
Ministria e Shëndetësisë ka bërë me dije sot se “Në spitalin infektiv aktualisht po trajtohen 23 pacientë, nga të cilët 5 janë në terapi intensive”.
Në deklaratën e sotme për mediat, dhënë nga Dr. Eugena Tomini, nga Instituti i Shëndetit Publik, lidhur me situatën e fundit të koronavirusit në vend, u theksuar se “Në 24 orët e fundit janë të shëruar 28 qytetarë, duke e çuar në 851 numrin e të shëruarve që nga fillimi i epidemisë”.
Nga fillimi i epidemisë janë kryer mbi 15,500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1099. Prej tyre, mbi 77% janë të shëruar.
COVID-19 – Statistika (29 Maj 2020)
Testime totale 15595
Testime molekulare 14269
Testime serologjike 1326
Raste pozitive 1099
Raste të shëruara 851
Raste Aktive 215
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:Tiranë 121, Durrës 42, Krujë 17, Shkodër 11, Kamëz 9, Mat 6, Lushnje 4, Berat 2, Fier 2, Korçë 1/b.b/fjala.al
