Katër lëkundje sizmike janë regjistruar këtë të shtunë në zonën e Korçës, duke filluar që prej orës 09:00 dhe të fundit të regjistruar në 17:35.
Sipas Qendrës Sizmiologjike Europiane-Mesdhetare, tërmet kanë qenë me magnitudë 2.3; 2.6; 3.4 dhe 3,6 më i fortë, por thellësia e vogël ka bërë që të ndihen shumë, duke shkaktuar panik te banorët. Lëkundjet më të forta, raportohen me 2 km dhe 1 km thellësi.
Fatmirësisht mësohet se nuk kanë shkaktuar dëme materiale, vetëm panik te banorët të cilët i frikësohen mundësisë për një goditje më të fortë në orët në vazhdim.
Korça njihet si zonë sizmike, ndërsa këto lëkundje vijnë një vit pas tërmetit të fuqishëm të 1 qershorit 2019, me magnitudë 5.3 e shkallës Rihter që shkaktoi dëme të konsiderueshme materiale dhe 4 të plagosur./E.B./Fjala,al
