Një polic ka mbetur i vdekur, ndërsa një tjetër është plagosur nga të shtënat me armë në demonstratat që janë duke u zhvilluar për George Floyd në Oakland, Kaliforni, SHBA.
CNN raporton se nga protesta e dhunshme janë shkatërruar dhe plaçtikur dyqane, janë djegur makina e shumë dëme të tjera ndaj forcave të policisë.
Rreth më shumë se 7500 persona janë përplasur me forcat e sigurisë në shumë qytete në Shtetet e Bashkuara të Amerikës pas vdekjes së afrikano-amerikanit, George Floyd 46 vjeç, në duart e autoriteteve në Mineapolis ditën e hënë.
Shumë njerëz kanë protestuar para Shtëpisë së Bardhë, duke brohoritur “Nuk mund të marr frymë”, fjalët të cilat i kishte thënë Floyd pak para se të ndërronte jetë, për shkak se një polic i vuri gjurin në fyt.
Shtëpia e Bardhë u vendos në izolim të premten për shkak të kërcënimeve për sigurinë, ndërsa Minesota, New York-u dhe Atlanta kanë nuk kanë pushuar nga protestat e dhunshme për ditë me radhë, në kërkim të drejtësisë për Floyd.
Rikujtojmë se gjatë ditës së sotme u raportua edhe se gjatë të shtënave mbeti i vdekur edhe një 19-vjeçar demonstrues.k.t/Fjala.al/
