“Skena me sallën e saj nuk është më një vrimë e ftohtë për artistët dhe publikun, po një vatër kënaqësie për krijuesit dhe dashamirët e atij teatri.”
Kështu shkruan kryeministri i vendit Edi Rama mëngjesin e sotëm në Facebook, teksa ka publikuar një video nga punimet e rikonstruksionit të Teatrit të Operas dhe Baletit dhe pamjen e tij në përfundim.
Kreu i qeverisë shprehet se, nesër, do të hyjë në Europë me hijeshi e dinjitet, edhe Teatri Kombëtar, që gjatë tërë jetës së vet nuk ka pasur dot një të ftuar për shkak të kushteve prej hauri kafshësh.
Postimi i plotë i kryeministrit:
“MIRËMËNGJES?
me këtë provë shembullore të vizionit e ambicies sonë për institucionet kombëtare të artit e të kulturës në Shqipërinë e shekullit XXI, ku shihet fare qartë edhe dallimi i madh mes dy botëve që u përplasën për Teatrin e Ri Kombëtar…
Teatri i Operas e Baletit të Shqipërisë që ka nxjerrë yje me famë botërore, sot ka hyrë në Europë me hapësirën e kushtet e reja dhe skena me sallën e saj nuk është më një vrimë e ftohtë për artistët dhe publikun, po një vatër kënaqësie për krijuesit dhe dashamirët e atij teatri.
Nesër, do të hyjë po kështu në Europë me hijeshi e dinjitet, edhe Teatri Kombëtar i Shqipërisë, që gjatë tërë jetës së vet nuk ka pasur dot një të ftuar për shkak të kushteve prej hauri kafshësh, ku dhanë shpirt të mëdhenjtë e skenës shqiptare dhe ku publiku s’e pati kurrë dot, dinjitetin e konsumatorit të ushqimit shpirtëror…” shkruan Rama./E.B./Fjala.al
https://www.facebook.com/edirama.al/videos/894901727682229/?__xts__[0]=68.ARAjZXZvL_JNSjqzKw9rHgKdSNQ34qZ11eJhxfwlUd2J96jRXRL7XIP_wmQMlvaneynGrAMUhJh3hxvD3ABs_cBvG2lV8JTQJmz5d1Q0KGYMXN0vSWVCa9Jgk2e4KB-N_zoR2MYpJPJ8KSwynlrxKgcORVDoCgkevDJ8FnDcHaoNZ7PCgaRwfdUXsN1XLK6VfF8hadmjdZsYZOf88juZF2Oh9bSJtjJlYfOJ1IcTqHatSDEkwkWqN2oUJr4iTFgZdeThT8mWzxrP4rNtgJc_xe64KHpTHDlSL_zeRddY-33jRiJPML8umn81FEuEs1v-LsUqbbNNgTtGarsWhtDG8oPbUNMdTOmZH6M9-LE4kT9yymZzeWKOPEilIxFHSw&__tn__=-R
