Deputeti Ralf Gjoni ka reaguar ashpër pasi Këshilli Politik dështoi të arrijë një marrëveshje mbi reformën zgjedhore. Gjoni publikon foton e Damian Gjiknurit, Oerd Bylykbashit dhe Petrit Vasilit dhe pyet nëse “ka mbetur më ndonjë idiot në Shqipëri të besojë se këta duan lirinë e votës së shqiptarëve?”
Sipas Gjonit, PS-PD-LSI përfaqësojnë frymën anti-amerikane dhe anti-evropiane në vend, ndaj janë edhe anti-shqiptarë.
“A ka mbetur më ndonjë idiot në Shqipëri të besojë se këta duan lirinë e votës së shqiptarëve? Këta përfaqësojnë frymën anti-amerikane dhe anti-evropiane, e për rrjedhojë, janë anti-shqiptarë”, shkruan Gjoni.
Ralf Gjoni dhe deputetët e tjerë të opozitës parlamentare kanë kërkuar vazhdimisht ndryshimin e sistemit zgjedhor, por tre partitë kryesore politike kundërshtojnë ndryshimin.
