Njësia Speciale FAST ALBANIA ka arrestuar një person të shpallur në kërkim në kuadër operacionit “Teleferiku”.
Në pranga është vënë shtetasi Julian Çela, 30 vjeç, banues në Tepelenë.
“Mesditës e sotme, në bazë të informacioneve të marra në rrugë operative për lëvizjen e një personi të shpallur në kërkim, i cili qarkullonte me dokument të falsifikuar për t’iu shmangur identifikimit nga punonjësit e Policisë, ka organizuar dhe finalizuar operacionin policor të koduar “Teleferiku”. Në vendin e quajtur “Rruga e Teleferikut” është bërë lokalizimi, kapja dhe arrestimi i shtetasit të shpallur në kërkim Julian Çela, 30 vjeç, banues në Tepelenë.” thuhet në njoftimin e policisë.
Në vitin 2015, Gjykata e Krimeve të Rënda Tiranë e ka dënuar 30 vjeçarin me 7 vjet e 4 muaj burg, për veprën penale “Trafikimi i lëndëve narkotike, kryer në bashkëpunim, mbetur në tentativë”.
Bëhet me dije se në momentin e kapjes, këtij shtetasi i është gjetur një dokument i falsifikuar, me fotografinë e tij dhe të dhënat e vëllait të tij, me qëllim që t’i shmangej identifikimit nga ana e punonjësve të Policisë./E.B./Fjala.al
