Policia në Itali ka zbuluar një grup prostitucioni, të përbërë nga shqiptarë dhe italianë. Mësohet se prostitucioni ushtrohej në një klub nate në Brianza.
Rasti është zbuluar nga telefonata e një gruaje, e cila pretendonte se ishte dhunuar dhe shfrytëzuar seksualisht nga disa meshkuj.
Sipas një raportimi të mediave fqinje, karabinierët kanë arrestuar burra e gra italiane, në Varese, Milano, Varedo, Como, Lecco dhe Alessandria.
Nga 7 të arrestuarit, 6 u lanë në burg, kurse 1 është në “arrest shtëpie”. Gruaja e re ka thënë përpara policëve se ishte rrahur dhe shfrytëzuar seksualisht. Shumica e vajzave të trafikuara ishin nga vendet e Europës Lindore, ndërsa nuk mungonin edhe vajzat e reja italiane.
Nga hetimet e bëra mësohet se shqiptarët në bashkëpunim me italianët, kanë fituar shuma të mëdha nga ky rrjet prostitucioni.
