Edhe pse në Kosovë ka nisur puna për formimin e qeverisë së re LDK-AAK-NISMA, sondazhet tregojnë se qeveria e rrëzuar e Albin Kurtit në 100 ditët e para të saj ka arritur të rikthejë besimin e qytetarëve te ky institucion. Kështu tregojnë gjetjet e anketës së Pulsit Publik të UNDP-së e bërë gjatë muajit prill.
Aty thuhet se nivelet e kënaqshmërisë janë më të lartat të regjistruara nga anketat e Pulsit Publik që nga viti 2010.
Gjetjet e kësaj ankete tregojnë se: 60.7% e qytetarëve janë të kënaqur me punën e Qeverisë, 65.4 për qind me punën e Kryeministrit. Ndërsa kënaqeshmëria e qytetarëve me punën e Kryetares së Kuvendit të Kosovës sipas kësaj ankete ka arritur vlerën rekord prej 72.4%.
Por aty theksohet se kënaqshmëria e qytetarëve ka rënë sa i përket punës së Presidentin me 18.7%. Sipas gjetjeve të anketës 33.6% e qytetarëve do të ishin të gatshëm të protestojnë për arsye politike.
-Qeveria e re /A do ndëshkohet gruaja më e votuar në Kosovë?
