“Duke ekspozuar viktimat, i mbyllim gojën viktimave të tjerë,” deklaroi përfaqësuesi i organizatës “Alo 116” Mirgit Vataj.
I ftuar në emisionin “Ftesë në 5” në TCH, Vataj dënoi përcjelljen e informacionit nga ana e mediave.
Po ashtu Vataj shtoi se ekziston mundësia që kemi të bëjmë me një rrjet pedofilësh në të gjithë vendin.
“Para disa vitesh kemi punuar bashkë me organizatën tonë partnere që shkolla të ketë profilin e prindërve dhe stafit të shkollës. Janë raportuar edhe raste kur ka pasur abuzime seksuale nga mësuesit në shkolla.
Në momentin që ne marrim informaconin, ia themi policisë dhe ajo nis hetimet. (Bieta: Babai i vajzës ka deklaruar që ka bërë një denoncim) Këtë informacion nuk e kam. Në qoftë se babai ka denoncuar policia e shtetit duhet të nisë hetimet se përse nuk ka vepruar.
Nëse kjo ka ndodhur, jemi përpara një neglizhence të thellë të policisë së shtetit. Policia kishte vetëm pamjen dhe ishte shumë e vështirë të bësh verifikime. Njëra nga këto video është dhe një dejtaj, video është publikuar në një platformë online.
Ishin persona të rritur persona që i kishin bërë like kësaj video, janë 1.000 individë potencialë. Pedofilët mund ta njohin njëri-tjetrin. Ne kemi dyshimin serioz që në Shqipëri ka një rrjet pedofilësh. Të paktën disa ngjarje na kanë bërë që të kemi këtë dyshim të arsyeshëm”, tha Vataj./l.m/Fjala.al
