Vëllai i 15-vjeçares së abuzuar seksualisht nga roja i shkollës dhe tre të rinj në Babrru të Tiranës, ka rrëfyer detaje të reja në emisionin “Me zemër të hapur”.
Ai është shprehur se motra është abuzuar seksualisht që në moshën 12-vjeçare nga Abaz Doga dhe tre personat e tjerë.
Kohët e fundit ai tregon se kishte marrë foto dhe video të të motrës dhe kur ja ka treguar ajo e ka shtangur dhe bëri denoncimin në polici.
Pjesë nga rrëfimi:
Si e more vesh të vërtetën?
Më dërgonin foto dhe video mua gjatë gjithë muajit maj. Kur më erdhi fotoja e fundit, shkova në shtëpi dhe ja tregova motrës. Ngeli e shtangur, doli duke qarë dhe ka bërë denoncimin në polici. Në ngjarje janë përfshirë dhe shokë të mi.
Si janë përfshirë?
Roja ka qenë drejtuesi. E kemi komshi. Ky i thoshte merr këtë, merr këtë, dhe vinin e merrnin me makina. E kërcënonin se do i shpërndanin foto dhe motra nuk tregonte se kishte frikë. Unë fola me motrën, por ajo nuk fliste, vetëm qante.
Para se të vinin fotot te ju, kishit parë ndryshim te motra?
Jo, dukej normal.
As nëna juaj nuk kishte vënë re gjë?
Jo jo
Po kur u përballët me realitetin?
Motra i tregoi gjithë të vërtetën nënës. I tha që roja kishte abuzuar me të që rreth moshës 12 vjeçe, që kur ishte në klasën e shtatë. Ajo nuk kishte folur, se ai i bënte presion. Roja ka abuzuar i pari, pastaj punëtorët e tij, që ju jepte urdhër. Unë i njoh, njëri është i moshës 20-vjeçare, e kam në pallat.
