Në këtë kohë pandemie, bota nuk është më si më parë dhe një nga fushat që është prekur, është dhe industria e filmit. Si masë parandaluese e përhapjes së virusit të ri COVID-19, nuk do të ketë më kontakte fizike dhe kjo nuk u referohet vetëm atyre intime, por edhe skenave të tjera interpretimi.
Prej disa javësh, xhirimet e filmave janë pezulluar për shkak të rrezikut të infektimit. Aktrimi vepron me trup, kështu që xhirimet bëhen pothuaj të pamundura nëse duhet të ruash distancën sociale. Kjo nuk vlen vetëm për skenat intime, por edhe për inskenimet e një grindjeje ku aktorët përleshen.
“Do ishte për të ardhur keq, nëse në të ardhmen do të kishte më pak skena erotike. Por edhe në skena të tjera vlen: Ne paraqesim afrimitetin njerëzor. Pa të nuk bëhet”,- thotë për DW Sebastian Andrae, autor skenarësh dhe drejtues i Shoqatës së Skenaristëve.
“Tani po kërkohen koncepte sigurie, si ato që ka aplikuar futbolli. Kemi mësuar shumë nga futbolli, situata është e krahasueshme me xhirimet. Ka ekipe para dhe pas kamerave, për të cilat ka rregulla të ndryshme”,- thotë producenti Nico Hofmann.
Në kinematografi rregulla të tilla shihen si pa alternativa, nëse duhet të vazhdohet me produksionet e filmave. Një infektim në ekipin e xhirimit do të thotë, në shumë raste, fund për xhirimin. Dhe këto masa kanë koston e tyre./E.B./Fjala.al
