Në një kohë që këtë javë po bën shumë bujë vendosja e masave për dezinfektim të kamionëve që futen nga Shqipëria drejt Kosovës, dhe për më tepër shqiptarëve u kërkohet rezultai i testit jo më të vonë se 4 ditë për të hyrë në kosovë, të paktën në futboll, ng ka reciprocite nga ana e Shqipërisë. Vesel Limaj i ardhur nga Kosova, u integrua menjëherë në stërvitjen e skuadrës së Kukësit, pa izolim shtesë dhe pa burokraci.
Ekipi verilindor ka vijuar me stërvitjen e fundit para ndeshjes ndaj Luftëtarit. Skuadra ka qenë e plotë para ndeshjes së parë që pas ndërprerjes, teksa me ekipin është bashkuar edhe mesfushori Vesel Limaj. Futbollisti kosovar i lindur në Gjermani, u bashkua me ekipin mbrëmjen e së hënës dhe falë masave lehtësuese të Covid-19 nga autoritete shqiptare për Kosovën, nuk është e nevojshme karantina.
Limaj i është nënshtruar kontrolleve në aeroport dhe atyre të mjekëve të klubit. Ndeshja me Luftëtarin luhet nesër në “Elbasan Arena” me dyer të mbyllura, duke nisur nga ora 17:00.
