Policia Kufitare në bashkëpunim me Interpol Tirana ka arrestuar një shtetas kosovar të shpallur në kërkim ndërkombëtar, në hyrje të Pikës së Kalimit Kufitar të Qafë Morinës
Në pranga është vënë shtetasi H. H. (K)., 47 vjeç, banues në Smolicë, Kosovë.
“Ky shtetas ishte shpallur në kërkim ndërkombëtar, pasi Gjykata Lokale Geilenkirchen/Gjermani i ka vendosur masën e sigurimit ‘Arrest në burg’, për veprën penale “Vjedhja në rrethana rënduese”. Maksimumi i dënimit për këtë vepër penale është 10 vjet burg.” -njofton policia.
47-vjeçari kosovar do të ekstradohet drejt Gjermanisë, mbështetur në Konventën Evropiane të Ekstradimit./E.B./Fjala.al
