Një person i vdekur është gjetur mëngjesin e sotëm në lagjen nr.1 të qytetit të Durrësit, pranë ish-hotel Vollgës. Bëhet fjalë për një djal të ri, rreth moshës 20-25 vjeç, i cili është gjetur i pajetë në këtë zonë.
Viktima mësohet se është refugjat sirian, ndërkohë që në trupin e tij janë gjetur shenja gjaku, çka ngre dyshime të forta se është vrarë.
Policia ndodhet në vendngjarje dhe ka nisur punën për identifikimin e viktimës dhe shkaqeve që kanë çuar në vdekje.
Njoftimi i policisë
Më datë 02.06.2020, rreth orës 06:30, në lagjen nr.1,Durrës , në rrethana ende të paqarta është gjetur i pa jetë, një shtetas Sirian, rreth 20 vjeç, i seksit mashkull.
Grupi hetimor ndodhet në vendngjarje dhe po punon për zbardhjen e ngjarjes.
