Gjykata e Tiranës ka dhënë sot masën “arrest me burg” për rojen e shkollës, Abas Dokun dhe 3 të rinj të tjerë të akuzuar për përdhunimin e vajzës minorene, vetëm 15 vjeë në Babrru.
Mësohet se asnjëri prej tyre nuk ka folur në sallë, ndërsa gjykata nuk ka pranuar as masën më të butë që kërkuan avokatët mbrojtës.
Skandali i përdhunimit të 15-vjeçares në zonën e Babrrusë në Tiranë nga 65-vjeçari dhe 3 adoleshentët merr përmasa më të mëdha, pasi e mitura dyshohet se është dhunuar për 4 vite me radhë, që në klasën e 5-të.
Të dhënat tronditëse u bënë të ditura nga babai i vajzës, E.Thanasi, i cili shprehet se abuzimin prej 4 vitesh e ka mësuar rreth 6 muaj më parë nga të njohurit e lagjes.
Babai shprehet se ka kërkuar ndihmën e drejtorit të shkollës, dhe të institucioneve, deri sa është detyruar të kryejë denoncimin në polici.
Ngjarja bëhet akoma më e rëndë ku 3 adoleshentët ishin shokë të vëllait të vajzës. I ati i vajzës kërkoi që shteti të japë vendim të drejtë ndaj 4 të arrestuarve, pasi në rast të kundërt do të bëjë vetëgjyqësi./b.b/fjala.al
