Kryetare e Sindikatës së Pavarur të Arsimit për Tiranën Alma Lama ka reaguar pas deklaratave së deputetes Mimi Kodheli e cila tha dje se mësueset e kanë mendjen te minifundet e të lyejnë flokët. Deklarata e Kodhelit u bë gjatë komisionit “Aleanca e Grave Deputete” ku u diskutua për përdhunimin e 15-vjeçares nga roja i shkollës në Babrru.
Në një koment të shpërndarë në rrjetet sociale, Alma Lama deklaron se mësueset sot bëjnë një punë shumë me më përgjegjësi se ish-ministret si Mimi. Ndër të tjera ajo shpjegon se mësueset vishen shumë më thjesht se deputetet.
Postimi i plotë i Alma Lama
Duhet të kthej një përgjigje të merituar deputetes…
-Mësueset sot bëjnë një punë shumë me më përgjegjësi se ish-ministret si Mimi.
-Përdorin më pak ngjyrues buzësh dhe flokësh se deputetet.
-Vishen shumë më thjesht se deputetet.
– Thonjtë i shohin si luks në shumicën e tyre dhe shkumësi nuk jua mundëson këtë luks .
– Ju duhet të mbajnë mbi shpinë shumë dokumentacion të propozuar nga njerëz jo kompetentë të politikës.
– Shpesh drejtohen nga drejtues politikë pa integritet dhe zbatojnë “urdhëra pa sens”
– Ju duhet të mbajnë 4 punë në kurriz, edhe rojen si militant partie, edhe psikologun e munguar, edhe oficerin e sigurisë të munguar, hera herës edhe prindin që duhet të punojë fort të ushqejë fëmijët dhe familjen.
SOT LËVIZIN DISA km ME KËMBË PËR NË SHKOLLAT E TYRE , PASI NUK KANË MAKINË NË DISPOZICION SI MIMI…
– MËSUESET SOT SHIKOJNË SESI E SHQYEJNË SHTETIN DEPUTETE SI MIMI.
