Trupat e pajetë të minatorëve Idriz Gërbeshi dhe Haki Arifi janë nxjerrë mbrëmë pas mesnate nga miniera e Artanës.
Për shkak të shembjes së një guri të madh, ekipi i shpëtimit e pati të vështirë nxjerrjen e trupave të pajetë.
Operacioni për nxjerrjen e trupave të pajetë ka zgjatur rreth 14 orë dhe në të janë përfshirë dhe ekipet e specializuara të FSK-së, Zjarrfikëset e Kosovës dhe KEK-ut.
“Duke i falënderua djemtë tanë të FSK-së, për mundin e paparë për ta thyer shkëmbin, si dhe ekipin e Mjekësisë Ligjore, trupat e dy minatorëve, u nxorën nga miniera”, ka shkruar në Facebook, Arsim Gërxhaliu, drejtor i Institutit të Mjekësisë Ligjore./r.g/fjala.al
