Një aksident automobilistik është regjistruar pasditen e kësaj të mërkure te mbikalimi i Golemit në Durrës.
Mësohet se një automjet është përplasur me makinën e policisë, ku për pasojë ka mbetur i plagosur një efektiv policie. I plagosuri është transportuar me urgjencë në spitalin e Durrësit për të marrë ndihmën mjekësore.
Burime bëjnë me dije se mjeti që përplasi makinën e policisë drejtohej nga 20-vjeçari Xhoi Tresa, ndërsa ende nuk dihet identiteti i efektivit të plagosur.
Policia ndodhet në vendin e ngjarjes dhe po heton rreth shkaqeve të aksidentit./E.B./Fjala.al
