Është ndërprerë takimi për reformën zgjedhore, që nisi 1 orë më parë në rezidencën e ambasadores amerikane, Yuri Kim. Mësohet se katër përfaqësuesit politik janë larguar nga rezidenca, ku ndodheshin edhe ambasadorët e BE-së dhe Britanisë.
Mbledhja pritet të rinisë më vonë, por nuk është konfirmuar nëse palët do të takohen sërish në rezidencën amerikane, apo takimi do të jetë vetëm midis PS-PD-LSI dhe Rudina Hajdarit.
Pasdite është njoftuar një deklaratë për mediat nga ambasadorja Kim.
