Skuadra e Tottenham ka konfirmuar prekjen me pandeminë e coronavirus të një anëtari të klubit londinez, por pa zbuluar identitetin. nga 1197 teste të bëra në total në sesionin e fundit të të gjitha ekipeve të premier league, ekipi i Spurs kishte rastin e vetëm me Covid-19.
Premier League njoftoi se ishte raportuar vetëm një test i vetëm pozitiv, dhe Spurs konfirmuan menjëherë pas kësaj, se ata ishin klubi pa emër. Në një deklaratë, Tottenham konfirmoi se ‘për shkak të konfidencialitetit mjekësor, emri i individit nuk do të zbulohet’.
“Personi i prekur aktualisht është asimptomatik dhe tani do të izolohet për shtatë ditë, në përputhje me protokollin e Premier League, përpara se të kalojë në testime të mëtejshme” thuhet në njoftim. Është akoma e paqartë nëse rezultati pozitiv i testit erdhi nga një prej lojtarëve të klubit apo nga një anëtar i stafit të Tottenham. fjala.al
Nëse është një lojtar, e gjithë skuadra që synon një vend në Champions, rrezikon të humbasë ndeshjen e parë të kampionatit, pasi Projekti “Restart” fillon në vetëm 14 ditë. Edhe pse të prekurit do të ishin në gjendje të rifillonin stërvitjet individuale larg shokëve të tyre në ditën e tetë pas infektimit, nuk ka gjasa që ata të jenë në gjendje të marrin pjesë në ndeshje. Në total, pesë raundet e testeve të marra nga Premier League midis 17 majit dhe 3 qershorit kanë dhënë gjithsej 13 teste pozitive nga 4.900 tamponë në total.fjala.al
