Tradicionalisht në kopertinën e revistës Vogue shfaqen yje të showbizit e supermodele por këtë herë Vogue duket se ka hequr dorë nga të pasurit e të famshmit dhe numrin e ri ja ka dedikuar punonjësve të thjeshtë.
Revista e cilësuar si “bibla e modës” ka thyer traditën e saj duke shfaqur në kopertinë “heronjtë e përditshëm” që luftuan çdo ditë kundër Covid-19. Narguis Horsford, drejtuese e trenit në Londër dhe Rachel Millar, 24 vjeçarja që punon në komunitet u përzgjodhen nga revista prestigjoze për të përfaqësuar miliona punonjës që dhanë shpirtin e tyre gjatë shpërthimit të pandemisë, e që sot pushtojnë 20 faqe të revistës Vogue, në numrin e muajit korrik.
Bashkë me to në kopertinë shfaqet edhe 21 vjeçarja Anisa Omar, punonjëse në një supermarket. Është hera e parë që në kopertinën e revistës Vogue shfaqen njerëz të panjohur por pas luftës me koronavirusin, revista e modës ka vendosur që këta punëtore shërbejnë shumë më shumë se yjet në këto ditë të vështira, e madje ato vetë janë yje./Fjala.al/Burimi:DailyMail
