Edmond Thasanaj, babai i 15 vjeçares së abuzuar seksualisht nga roja i shkollës në Babrru, i është bashkuar protestës së sotme të shoqërisë civile nën moton “Për Fëmijërinë e Vjedhur”.
Ai u shfaq me kapelë dhe një shami në fytyrë dhe kërkonte drejtësi. Në një deklarat për mediat Thasanaj u shpreh se duhet të bëhet diçka që kjo situatë të mos vazhdojë më, pasi sipas tij atë që e vuajti vajza e tij të mos e vuajë asnjë tjetër e re.
Ndër të tjera, Thanasaj shtoi se në Babrru e kërcënojnë po e kërcënojnë me jetë.
“Dëgjova në Parlament që Edi Rama denoncoi atë djalin. E dëgjova dhe nuk bëri asgjë, sepse ai vetë nuk ka vajzë. E dëgjova në Parlament. U lutem prindërve, vëllezërve, dhe mësuesve që të kenë kujdes sepse fëmija është fëmijë, gënjehet me një karamele. Fëmijët t’i qëndrojnë sa më afër fëmijëve dhe të flasin me ta. Ne jemi më të urtë në Babrru. Atje më kërcënojnë, më thonë jo do të vrasim e kshu. Ata janë të gjithë grup dhe e bëjnë këtë gjë ku të gjejnë. I lutem ministres së arsimit. Mirë që e vuajti vajza ime, por të paktën të mos vuajnë të tjerët. Ai që e bëri të kalbet atje. Veç mos daltë gjallë se kam me e vra. E di qeveria, nëse qeveria s’e kalb në burg sepse do t’ja jap unë dënimin. Unë u bëra sebep që fola,”– tha Thanasaj./E.B./Fjala.al
