Një futbollist për të cilin gjysmae Europës “mbante vesh” për të përfituar që ta merrte në merkaton e kësaj vere, zgjedh të luajë në kampionatin më të fortë në botë. Një goditje e shkëlqyer për Chelsea që ka joshur me sukses sulmuesin gjerman Timo Werner, me të cilin arriti një akord paraprak që ta veshë me “Blu” duke nisur nga kjo verë.
Chelsea ka mundur konkurrencën e gjigantëve të tjerë europianë si Inter dhe Liverpool, dhe falë punës me agjentin e Werner, ka miratuar të gjitha kushtet e vendosura nga futbollisti. Zbulohet kështu Londra, që do të jetë destinacioni i radhës i sulmuesit gjerman të Leipzig, i cili ka gjetur një marrëveshje me “Blues” për të nënshkruar një kontratë deri në vitin 2025 për 10 milionë euro në vit.
Në javët e ardhshme, klubi anglez duhet të paguajë klauzolën e përfundimit të akordit të Werner e cila skadon më 15 qershor, duke vendosur rreth 60 milion euro në “pjatë” për ekipin e Bundesliga, të parefuzueshme duke marrë parasysh investimin minimal për të. Në Gjermani tani nuk kanë më dyshime. Me një aksion “blitz” Chelsea ka marrë bomberin e kombëtares gjermane, 31 gola dhe 12 asiste këtë sezon.
