Bashkëkryetari i Komisionit për Reformën Zgjedhore, Damian Gjiknuri ka komentuar sonte deklaratën e Yuri Kim duke thënë se nuk po e kupton pse Basha me opozitën nuk po aprovojnë konsensusin për marrëveshjen.
I ftuar në emisionin ‘’Real Story’’ Gjiknuri deklaroi se marrëveshja për Reformën Zgjedhore nuk ka humbur por ka fituar teksa shton se në produkt janë adresuar të gjitha kërkesat e opozitës.
Ndër të tjera Gjiknuri sqaroi se Shqipëria nuk ka pasur probleme me administrimin e zgjedhjeve në 15 vitet e fundit nuk ka pasur probleme por është kultura e mospranimit të rezultatit.
”Ajo ishte një marrëveshje që ka adresuar kërkesat e opozitës dhe nuk e di pse nuk ka dhënë ok. Ka qenë një refren politik, ajo marrëveshje nuk ka humbur por ka fituar, ka fituar zgjedhjet, garancitë dhe menaxhimin.
Një proces i depolitizuar dhe rezultati që presin shqiptarët. Por e kam bindje se në 15 vitet e fundit Shqipëria nuk ka pasur probleme por ka qenë kultura e mospranimit të zgjedhjeve.
Është më shumë debat politik. Pra ne fatkeqësisht kthehemi e bëjmë Reforma që nuk ndryshojnë kulturën e mospranimit të rezultatit.”- tha Gjiknuri./l.m/Fjala.al
