Deputeti Halit Valteri ka kërkuar sot në Kuvend rikthimin e dënimit me vdekje. Valteri theksoi se Shqipëria duhet të dalë nga ato konventa ndërkombëtare që ndalojnë dënimin me vdekje, pasi njerëz që dhunojnë dhe përdhunojnë fëmijët nuk e meritojnë të jetojnë.
“Kush përdhunon fëmijë, të varet midis qytetit. Nuk do të hyjmë në Evropë me këto. E përsëris, këta njerëz nuk meritojnë të jetojnë”, theksoi Valteri.
Deputeti Valteri kërkoi nga kryetarët e grupeve parlamentare që të nisin menjëherë punën për ndryshimet ligjore për të bërë të mundur rikthimin e dënimit me vdekje. Kësaj kërkese iu përgjigj kryeparlamentari Gramoz Ruçi, i cili theksoi se këto probleme nuk zgjidhen me rikthimin e dënimit me vdekje.
Përdhunimi i një 15 vjeçareje nga roja e shkollës në Tiranë ka ngjallur reagime të forta në vend, ndërkohë që sot pasdite është paralajmëruar një marshim kundër dhunës ndaj vajzave dhe grave në Shqipëri./k.s/fjala.al
https://youtu.be/6xI1gFthNug
