Politologu Afrim Krasniqi ka ironizuar zvarritjen që po i bëjnë partitë politike marrëveshjes për reformën zgjedhore, pavarësisht angazhimit maksimal të trupit diplomatik në Tiranë.
Krasniqi kujton konferencën e Jaltës në vitin 1945, e cila u realizuar për 35 orë dhe përcaktoi rendin e ri botëror, ndërsa bisedimet e Damian Gjiknurit, Oerd Bylykbashit, Petrit Vasilit dhe Rudina Hajdarit kanë zgjatur më shumë se 27 orë vetëm për ndarjen e komisionerëve për zgjedhjet parlamentare.
“7 ditë x 5 orë/ditë = 35 orë bisedime mori konferenca e Jaltës ku u vendos rendi i ri botëror për 50 vitet në vijim. 2 vjet, 24 muaj, + 27 orë bisedime vetëm 4 ditët e fundit për ndarjen e komisionerëve për 2021 dhe ende nuk ka vendim, i cili me siguri (s)do ketë jetë as 50 javë”, shkruan Krasniqi.
