Presidenti i Republikës, Ilir Meta, ka dekretuar sot shpalljen e një tjetër ligji të qeverisë.
Kreu i shtetit ka dekretuar shtesën e bërë në ligjin “Për sigurimet shoqërore në Republikën e Shqipërisë’, të ndryshuar”, ku në përfitimin e pensionit të posaçëm nga shteti përfshihet dhe kategoria e sportistëve të dalluar.
Sipas njoftimit nga Presidenca, kreu i shteit mbështet këtë nismë që synon rritjen e vlerësimit të kontributit të dhënë ndër vite nga sportistët, duke u njohur të drejtën për të përfituar pension të posaçëm”.
DEKRET
PËR SHPALLJE LIGJI
Në mbështetje të nenit 84, pika 1 dhe nenit 93 të Kushtetutës,
Dekretoj
Shpalljen e ligjit nr. 65/2020 “Për një shtesë në ligjin nr. 7703, datë 11.5.1993, ‘Për sigurimet shoqërore në Republikën e Shqipërisë’, të ndryshuar”.
Nr. Dekretit 11497
Tiranë, më 02.06.2020
PRESIDENTI I REPUBLIKËS
ILIR META
/E.B./Fjala.al
