Teksa në mbarë SHBA-në protestat pas vdekjes së afro-amerikanit George Floyd vijojnë, gjithnjë e më shumë artistë e biznesmenë po dhurojnë para ndaj organizatave jo fitimprurëse, për të vijuar luftën ndaj diskriminimit.
Aktorja 45 vjeçare Angelina Jolie i ka dhuruar organizatës NAACP shumën e 200 mijë dollarëve, në përpjekje për të shtuar influencën kundër diskriminimit racor ndërsa ka bërë thirrje për një reformë urgjente legjislative.
“Të drejtat dhe liritë nuk i takojnë vetëm një grupi njerëzish por të gjithëve ne. Diskriminimi dhe nënshtrimi nuk mund të tolerohet më apo të justifikohet” shpjegon aktorja fituese e çmimit Oscar.
Ashtu si aktorja edhe personazhe të tjerë si Lena Dunham, Floyd Mayweather dhe Harry Styles kanë kontribuar me shuma të mëdha parash, duke kërkuar drejtësi.
