I menjëhershëm ka qenë edhe reagimi i ish-kryeparlamentares Jozefina Topalli.
Kjo e fundit ka shpërthyer në rrjetin social ndaj klasës politike, pas arritjes së marrëveshjes për Reformën Zgjedhore mes maxhorancës dhe opozitës.
Topalli thotë se Basha u tërhoq më në fund nga të gjitha kauzat e tij në 7 vitet e fundit, nga “revolucioni” te “çadra e lirisë”, e tashmë nuk kërkon as “qeveri tranzitore”.
“Këta janë të gjithë bashkë,” shkruan ish-kryeparlamentarja, duke akuzuar ashpër të gjithë politikën e cila për të është e korruptuar madje duhet shkulur.
Postimi i plotë
7 vite rresht tha se nuk ka zgjedhje me Edi Ramën.
Në funksion të kësaj bëri çadër, “revolucion”, dogji mandatet e demokrateve, nuk hyri në zgjedhje lokale, i dhuroi Ramës gjithë Parlamentin pasi i dhuroi mandatin e dytë,i dhuroi të gjitha Këshillat Bashkiakë, i dhuroi të gjitha Bashkitë…
Dhe ja sot po thotë me shkrim se “ashtu ishte loja”
Nuk kërkojnë më as qeveri tranzitore, as qeveri kujdestare, as qeveri kalimtare… Sipas Luli Basha- “Rama nuk qenka ai që thoshte se ishte…”
Këta janë dhe kanë qenë të gjithë bashkë.
Sonte ishin “felici e contenti” me kodin siç ishte.
Kjo kasë politike e korruptuar duhet shkulur!
gj.b/fjala.al
