Politikanë, aktivistë dhe personalitete të ndryshme u mblodhën sot në një ceremoni përkujtimore në nder të George Floyd.
46 vjeçari afrikano-amerikan humbi jetën si pasojë e dhunës së një polici ushtruar mbi të.
Sipas avokatit të familjes, organizimi i ceremonive përkujtimore për Floyd do të zgjasë 6 ditë në tre shtete të ndryshme.
Protestat për vdekjen e George Floyd kanë qenë të shumta ditët e fundit dhe herë pas here të dhunshme. Protestat filluan në Mineapolis, por shumë shpejt ato u zgjeruan në shumë qytete të SHBA-së, përfshirë Uashingtonin, Nju Jorkun dhe Los Anxhelosin , ku protestuesit u kanë vënë flakën veturave të policisë dhe kanë thyer xhamat e dyqaneve.
Sipas burimeve zyrtare të policisë, Floyd ka humbur jetën si pasojë e dhunës së ushtruar nga një officer policie. Ky i fundit, në një imazh që ka bërë xhiron e botës, i ka vendosur gjurin në qafë, dhe Floyd ka humbur jetën si pasojë e presionit të gjakut./Fjala.al/k.b
