Ardian Çapja i plagosuri i paradites së sotme në Elbasan, është dërguar në spitalin e Traumës në Tiranë, për shkak të gjendjes së rëndë.
55-vjeçarit dyshohet se iu bë atentat në banesën e tij nga një rrugicë aty pranë, duke mbetur i plagosur.
Por pas dërgimit në spital, familja ka mohuar pistën e atentatit, duke deklaruar se ishte rrëzuar në shtëpi teksa po punonte.
Por gjetja e një makine duke u djegur, me targa false, bëri që policia të thellohet në hetimet, prej nga dyshohet se kanë qëlluar autorët.
Ai ndodhet në spital nën kujdesin e mjekëve e aktualisht i është nënshtruar një ndërhyrje kirurgjikale.
Ngjarja ka ndodhur në lagjen e quajtur Krastë. Banorët në zonë kanë raportuar për të shtëna me armë zjarri dhe shumë pranë banesës ku jeton Ardian Çapja ka marrë flakë një mjet që nga të dhënat e policisë mësohet se ka pasur targa false.
Ardian Çapja është një emër i njohur për policinë shqiptare, pasi edhe më herët është përfshirë në konflikte me persona të tjerë në qytetin e Elbasanit.
Një atentat ishte zhvilluar ndaj tij në vitin 2017, që kishte qenë i mirëorganizuar, ndërsa ai u qëllua me kallashnikov e armë të tjera. Në atë kohë, autorët dështuan në atentat, pasi ishin zbuluar më herët.
Autorët më 2017, të cilët ende nuk janë identifikuar, për të shmangur çdo dyshim, kishin modifikuar automjetin e përdorur prej tyre në mënyrë identike me atë të një prej fqinjëve të fisit Çapja, duke përdorur dhe targa të falsifikuara me numra të njëjtë.
Pasi e kanë mbajtur nën vëzhgim për disa ditë, autorët kanë ndërhyrë në momentin kur Ardian Çapja po dilte nga banesa e tij. Ata kanë qëlluar nga një distancë e largët në momentin kur 49- vjeçari ka qenë pranë derës./b.b/fjala.al
Atentati ndaj Çapajve, policia shoqëron në komisariat të dyshuarit
Detaje/Përplasja me armë në Elbasan, plagoset Ardian Çapja dhe një zjarrfikës
