Ibsen Elezi, një vit para zgjedhjeve të përgjithshme bën një analizë të Partisë Demokratike gjatë opozitarizmit të saj. Në emisionin HARD TALK NGA ROLAND QAFOKU, për Grupin Mediatik “FJALA” Elezi kritikoi PD-në se nuk jep siguri për qytetarët.
-Jemi një vit para zgjedhjeve të përgjithshme. A mund të bëni një analizë të shkurtër në çfarë situatë ndodhet PD?
–Një parti që do kishte ndenjur në heshtje dhe s’do kishte folur fare, në rastin konkret dhe PD, sot do ishte në pushtet. Aq e degraduar është sot pozita, sa sot duhet të ishte e larguar. Në PD sot, një problem shumë i madh, janë rregullat e kësaj partie. Në vitin 2015, nuk u diskutua dhe nuk u ndërtua asnjëherë një proces i mirëfilltë, se çdo të ndodhte me Reformën Territoriale. Në Hotel Tirana, në një takim me 300 vetë, e di ti që e kam kundërshtuar vetëm unë? Nuk pati frymë diskutimi. Në 2017, u hartuan listat brenda një nate, pa pyetur asnjë forum në organ. Në një parti quhet akt kriminal. Tjetra, aksionet e vazhdueshme që këta kanë ndërmarrë. Aksionet politike që shkojnë gjithmonë me dështim, humbin besimin te njerëzit. Qëndrimi publik i liderit është shumë i rëndësishëm. Qëndrimi publik i dështruar i liderit është gjithmonë problematik për krijimin e besimit. Çfarë është demokracia? Opinion. Sesa përputhet opinioni me të vërtetën askush se di. Dorëzimi i mandateve të Parlamentit. Sot e pranon që unë do futem në zgjedhje me një narkotrafikant, kjo është absurditet. Nëse një kritikë nuk zë vend, ajo kritikë normalisht harrohet të nesërmen. Dhe në fund fare, humbe 20 e ca bashki, të paktën të sigurta të PD dhe nuk ju dhe mundësinë e kandidimit dhjetëra personaliteteve. Këto kanë sjellë humbjen e besimit të anëtarësisë./Fjala.al/k.b
https://www.youtube.com/watch?v=jKJ6UFHm0Fw
