Ish-kryeministri Sali Berisha ka publikuar një mesazh ku pretendohet se një sasi e madhe droge është kapur në Tiranë. Sipas këtij mesazh, operacioni është zhvilluar në komisariati nr.5 në kryeqytet dhe një person është ndaluar.
“Trafikantë të lidhur me Ardian Çipën dhe Saimir Tahirin ndalohen për sasi të madhe droge. Por pritet të lirohen”, shkruan Berisha.
Ndërkohë që në mesazhi e publikuar prej ish-kryeministrit thuhet: “Mirdita, jam polic që nuk mund të identifikohem. Dje në policinë e Komisariatit nr.5 është ndaluar një person me një sasi të madhe lënde narkotike në bagazhin e makinës, por ngjarja po fshihet dhe jam i sigurt që brenda pak orësh do të lirohet sepse është Jurgen Çipa, i afërm i ish-drejtorit të Përgjithshëm, Ardian Çipa, i cili ka qenë duke transportuar lëndën narkotike të shtetasit Altin Tahiri me pseudonimin ‘Qepa’, kushëri i ish-ministrit Tahiri. Ky i fundit ka vite që furnizon zonën e Kamzës dhe Laprakës me lëndë narkotike dhe nuk i hyn gjemb në këmbë. Madje janë ndaluar edhe të tjerë si nipi i Altin Tahirit.”/Fjala.al
