Sulmuesi polak Robert Lewandowski po cilësohet pretendenti kryesor për të rrëmbyer Këpucën e Artë këtë sezon. Me golin e shënuar ndaj Bayer Leverkusen, bomberi i Bayern Munich e çoi në 30 numrin e rrjetave të këtij sezoni, shifra këto që e mbajnë në krye të listës së golashënuesve. polaku është ndoshta “numri 9” më i mirë i globit në qarkullim në futboll.
Ciro Immobile shihet si kërcënim për ta rrëzuar nga froni por sulmuesi i Lazio do të duhet të punojë “jashtë orarit” gjatë verës së nxehtë të futbollit italian, për të kapur 31 vjeçarin e Bayern. Italiani ka 54 pikë deri tani, por më shumë ndeshje për të zhvilluar. Në renditjen që do të vendosë mbretin e golave në Europë, Lewandowski drejton kuotat me 60 pikë. Bundesliga, si kampionatet më të mira kontinentale, ka koeficientin 2, që do të thotë se çdo gol sjell dy pikë.
Për shkak të një dëmtimi të këmbës, polaku humbi përballjet kundër Hoffenheim dhe Augsburg, që me siguri mund të kishte marrë më shumë pikë. Ëerner, i treti, është në kuotën 50, por është e vështirë për të, që të rikuperojë dhjetë pikë në vetëm katër ditë.
