Prokuroria e Elbasanit, ka përfunduar hetimet për Klajdi Gjeçin. Ky i fundit një emër i njohur për policinë. Në 2019 Gjeçi është arrestuar për vendosje të një sasie tritoli në automjetin e një biznesmeni.
Nderkohë mbi 6 personat rëndon akuza e “prodhimit dhe shitjes së lëndëve narkotike” të llojit heroinë. Dy agjentë me numra serialë “315” dhe “317” janë ata që çuan prapa hekurave Klajdi Gjeçin, Klaudio Trungun, si dhe katër persona të tjerë, të cilët ishin përfshirë në tregtinë e drogës në Elbasan dhe Tiranë.
Hetimi disa mujor i prokurorisë së Elbasanit, ka zbardhur mënyrën se si vepronin shitësit e kokainës në dy qytete, ku për klientët që blinin lëndën narkotike, premtonin se do u gjenin dhe vajza gratis, për dëfrim.
Një ofertë e tillë i është bërë agjentit “315” nga i arrestuari Skënder Pllumbi.
Policia dhe prokuroria e Elbasanit kanë kryer një sërë përgjimesh duke dokumentuar veprimtarinë kriminale të 6 personave. Për shkak se në shitjen e kokainës ishin të implikuar më shumë persona, policisë i është dashur të fusë në aksion dhe një agjent tjetër të koduar me numrin “317”.
Për blerjen e drogës personat flisnin në mënyrë të koduar, duke pohuar se kërkonin “…një serbator e gjysmë naftë…”.
k.l/Fjala.al
