Lidhur me marrjen e 650 milionë eurove në formë eurobondi nga Qeveria, të cilën kryeministri Edi Rama e konsideroi si sukses, ka ardhur një reagim dhe nga sekretari i Përgjithshëm i PD-së, Gazment Bardhi.
Në një postim në Facebook, Bardhi shkruan se prej tyre 200 milionë euro do të përdoren për të shlyer borxhin e vitit 2015, ndërsa 450 milionë të tjera, sipas tij, kryeministri Rama do t’i ndajë me 5 oligarkë në projekte PPP.
Postimi:
“?VËMENDJE! “Sukses” i jashtëzakonshëm: Qeveria ka marrë 650 milionë euro borxh!
??VËMENDJE! 200 milionë euro Qeveria do t’i përdorë për të shlyer borxhin e vitit 2015!
???VËMENDJE! 450 milionë euro Qeveria do t’i përdorë për t’i ndarë me 5 oligarkë në projekte PPP.
❌ Kryeministër i dështuar, me Qeveri të falimentuar, që vazhdon të mendojë vetëm për 5 njerëz dhe ka braktisur 3 milionë shqiptarë.” shkruan Bardhi.
650 milionë euro është vlera që vendi ynë do të marrë në tregjet ndërkombëtare në formën e eurobondit. Nga kjo vlerë 250 milionë euro do të shkojë për të financuar Eurobondin e marrë në vitin 2015, që ishte në vlerën e 450 milionë euro me normë interesi 5.75% dhe që i mbaron afati i shlyerjes në 12 nëntor 2020./En.Br./Fjala.al
