Janë zhvilluar të mërkurën ndeshjet e javës së 11-të të Kampionatit Kombëtar të Futbollit për Femra dhe, duke vënë në pah edhe diferencat e mëdha midis skuadrave, janë shënuar një numër i madh golash, plot 43, me një mesatare prej thuajse 9 gola për ndeshje.
Në 5 takimet e zhvilluara spikat fitorja e thellë e Apolonisë me rezultatin 17-0 ndaj Maliqit, ku protagoniste kryesore të skuadrën fierake ishin Goro dhe Iljadhi, të cilat realizuan nga 5 gola secila. Në atë që ishte një nga përballjet më interesante, Tirana AS mposhti me rezultatin 4-1 Juban Danjën.
Ndërsa Kinostudio regjistroi një tjetër rezultat të thellë, pasi mundi me shifrat 11-1 Dajtin.
Teuta mundi me vështirësi Bilisht Sportin 1-0. Në takimin e fundit të të kësaj jave, Vllaznia triumfoi ndaj Akademisë AAS me rezultatin 7-1 dhe vazhdon të kryesojë renditjen e kampionatit me 33 pikë të grumbulluara pas 11 javësh.
Në vendin e dytë renditet Apolonia me 28 pikë, që vazhdon të mbajë hapur garën për titull. Kjo ishte java e dytë e ndeshjeve të Kampionatit Kombëtar të Futbollit për Femra që u luajt pas rifillimit të sezonit, ndërsa ishte edhe java e parë e fazës së dytë, nga e cila kanë mbetur edhe 7 javë.
Ndeshjet e javës së 10-të të luajtura të shtunën e kaluar, më datë 6 qershor, ishin të parat që pas ndërprerjes së shkaktuar nga shpërthimi i epidemisë së virusit “Covid-19”.
Kampionati Kombëtar
i Futbollit – Femrave
Java e 11-të
Apolonia – Maliqi 17-0
KF Teuta – Bilisht Sport 1-0
Tirana AS – Juban Danja 4-1
Kinostudio – Dajti 11-1
Vllaznia – Akademia AAS 7-1
Renditja
Nr. Team N. F. B. H. Gsh-Gp Pikë
1. Vllaznia 10 10 0 0 89-1 30
2. Apolonia 10 8 1 1 85-6 25
3. Juban Danja 10 7 1 2 45-19 22
4. Tirana AS 10 6 2 2 42-18 20
5. Akademia AAS 10 6 0 4 32-36 18
6. Kinostudio 10 4 2 4 41-30 14
7. Teuta 10 3 0 7 27-53 9
8. Dajti 10 2 0 8 7-75 6
9. Maliqi 10 1 0 9 11-60 3
10. Bilisht Sporti 10 0 0 10 0-81 0
Al.Ko/fjala.al
