Kryetari i grupit parlamentar të PS Taulant Balla zbulon një lëvizje të re brenda opozitës. Të paktën sipas asaj që ai deklaron në emisionin HARD TALK NGA ROLAND QAFOKU në grupin mediatik “FJALA”, drejtuesit e PD dhe LSI kanë nisur kontaktet me deputetët e tyre që nuk dorëzuan mandatet sipas vendimit të partive respektive.
-Më vjen mirë që PD njohu zgjedhjet e 2017 sepse zgjedhjet e 2017 janë administruar me këtë lloj administrimi politik, dhe ndërkohë që thirrja ime për opozitën parlamentare është që marrëveshja politike duhet votuar si e tillë.
-Do ta votojë opozita parlamentare? Se ata kanë thënë jo.
-Mund t’i pyesni vetë.
-I kam pyetur.
-Sepse kam dëgjuar shpesh herë që PD apo LSI janë rikthyer te kontaktet me ish-deputetët ose me deputetët e listave të tyre.
-Prit, si ishte kjo?
-PD dhe LSI kanë njohur deputetët e tyre, një pjesë të deputetëve të tyre, dikur thanë që do t’i çregjistronin, tani kanë filluar dhe janë afruar me deputetët e tyre dhe kjo është diçka e mirë, sepse PD dhe LSI kanë bërë një rikthim në arsyetimin e domosdoshëm dhe logjik që deputetët e opozitës në parlament janë deputetë të zgjedhur nga lista e tyre dhe të propozuar prej tyre. /Fjala.al/Ke.Ba
https://www.youtube.com/watch?v=TF-UNJq246k
